knabo el la ĉielo

Pensu!

Thu, 23 Mar 2006 00:50:04 GMT

La malriĉuloj havas ĝin.
La riĉuloj bezonas ĝin.
Kaj se vi manĝas ĝin, vi mortos.
Kio ĝi estas?

Fizika konflikto estas malŝparo de karno.

Fri, 10 Feb 2006 02:03:20 GMT

Nur alia tago en mia vivo,
dumtage,
kie la suno brilas oranĝkolore.
Pro falantaj cindreroj,
kie fajro bruladas.

Mia frato demandis "Kio okazis ekstere?,
ŝajnas ke la fino de la mondo baldaŭ alvenos, se ne jam."

Fizika konflikto estas malŝparo de karno.

io interesa

Sun, 27 Nov 2005 09:25:39 GMT

Antaŭnelonge vere mankas al mi ideoj pri kio mi skribu. Do, mi nur montros kelkajn bildojn.

Jen noktiĝo de mia balkono.

Jen amikino kaj mi , vere ebriaj kaj malbelegaj tamen feliĉaj.

Kaj jen la brako, mi desegnis ĝin plume ĉar mankis al mi io pli bona fari. Se vi ne povas legi ĝin, la vorto diras "kantu" do kantu jam!

Plaĉas al mi kanti kvankam mi ne bone kantas.

Ĉu plaĉas al vi kanti? kiu(j)n kanto(j)n?

Ĝis.

Pluva Tago

Thu, 10 Nov 2005 01:54:55 GMT

Mi fotis tiun bildon starante sur mia balkono.

Hodiaŭ komencis pluveti. Mi scivolas kien forflugas la birdoj tiam kiam pluvas.

Ho Merdo!

Sun, 18 Sep 2005 07:58:41 GMT

Mi devas konfesi ke mi ofte pri ĉio pensas kiam mi sidiĝas sur la tualeto ( se mi ne legas ).

Jen mi, bele sidanta sur la tualeto.

Kaj jen la dolĉa merdo.

Hehe. Nu, mi ne intencis ĵeti la dolĉaĵojn for, ĉar kompreneble mi manĝus ilin tute. Sed mi ĵetis ilin , ne pensante, en la tualeton pro tiuj etaj negraj eroj. Ĉu vi vidas ilin en la bildo? Nu, origine la dolĉaĵoj estis sur mia tablo, sed formikaro venis kaj ekmanĝis, do mi devis rapide agi kaj tion faris. Ofte estas formikoj en mia ĉambro ĉar mi manĝas tie ofte. Mia panjo ĉiam en la kmera diras ke, la formikoj volas "ribeli kaj militi kontraŭ" mi. Mi devis foti tion ĉar mi pensis ke tia vido estas stranga vido. Bongusta, ĉu ne!?

Ĉar mi havas propran necesejon, mi kredas ke, la necesejo estas la plej pacema kaj trankvila ejo en nia domo.

Kiam vi estas sur la tualeto, kion vi faras? ( t.e. krom merdi aŭ pisi, kompreneble ) Ĉu vi legas? kantas? fajfas eble? Haha. Respondu, kaj mi donos al vi kekson.

:-D Ĉion Bonan!!

Gravedaj Fiŝoj?!

Wed, 15 Jun 2005 02:50:18 GMT

Venu! Venu! Amikoj Miaj.
Hodiaŭ Ni vidos variajn aĵojn. Ni vidos Min en mia ĉambro, kaktaron, fiŝaron sur la sablo inter multaj aliaj aĵoj.

Saluton !! Jen mi, en mia ĉambro, kelkaj minutoj post la meznokto.

Mi ĵus pretigis min por iri al la plaĝo en la fruaj horoj de la mateno. (kaj ĉi-tiufoje neniu seksumado sur la plaĝo hehe)

๋Jen la bela kaktaro!
Apud la parkejo kie ni parkis, estas bela kaktaro kaj tial mi fotis ĝin. Mia kuzo vidante tion. Li subite demandis al mi "Ĉu vi ĵus fotis la muron" lia vidpovo ne estas tutklara kaj li ne povas vidi multe.

Apud la enirejo estas palisaro, kiu jam ne forte staras.
Mi supozas ke la vento tro forte blovadis.

Perdita ŝuo
Marŝante tra la strando, apud la akvo, iu perdis sian ŝuon. Mi scivolas kiel tio okazis. Mi neniam perdis ion ĉe la plaĝo eble nur mian intelekton kiam ebria.

Hooo! Finfine! La longe-atenditaj gravedaj fiŝoj.
Ili venas kiam estas plenluno kaj novluno por ensabligi ovojn. Post 10 tagoj pli-malpli la ovoj iĝos fiŝidoj! Nova vivo. Kia bela Miraklo! Ĉu ne?! Eble, Ĉar krom tio, estas multaj personoj ĉe la plaĝo kaj ili mankaptas gravedajn fiŝojn por manĝi. Hooo bela ĉu ne?! Ne vere. Imagu! Vi estas fiŝo kaj nur volas ensabligi viajn estontajn idojn. (Esperanto ne bezonas Idon hehe) kaj subite iu venas kaj kaptas vin kaj baldaŭ vi manĝiĝos Ho kia vivo! hehe Sed tiel estas la vivo. Oni vivas kaj mortas.

Bela Birdo
Parolante pri morti, Mia fratino kaj mi piediris pli malproksimen kaj trovis birdon, Ŝi eĉ preskaŭ hazarde piedpremis ĝin. Kompatinda Birdo. Ĝi estas senviva. Kiel ĝi mortis?

Mi vere sencele tajpas. Mi nur volis montri kelkajn fotojn. Esperas ke vi ĉiuj fartu bone kaj ĝoju legi mian blogon. :-D!

Jen [mal]Belega Mi denove. Mi ĉe la plaĝo, memkompreneble. Ne estas la plej bona bildo, sed ĝi sufiĉe bonas. Nun mi adiaŭas la plaĝon kaj Vin! Ĝis!

Ĝis Baldaŭ Amikoj!. <3 Leo

Ho jes mi preskaŭ forgesis. Mi havas novan ulon en mia vivo :-D!!!

Fotoj

Thu, 12 May 2005 04:28:34 GMT

Mi ne sentas min bone.
Kaj Mi vomegis.

Ne miaj plej bonaj fotoj. Ĉu vi konsentas?

La voĉoj de la gedioj venas per la vento

Sat, 09 Apr 2005 07:16:18 GMT

Estas meznokto nun kaj mi malfermis la pordojn kaj la fenestrojn por ke la vento envenu mian domon. Forta vento ĉiam donas al mi bonan senton. Ĝi kunportas la novaĵojn kaj forigas la malnovaĵojn. Aŭskultu! Ĝi flustras. Ĉu vi aŭdas ĝin?

Ĝi doloregas

Mon, 21 Mar 2005 02:47:48 GMT

Mi antaŭenelonge vundiĝis per rompitaj glaseroj.

Mon, 21 Mar 2005 02:36:30 GMT

Hej! Mi jam ne vere scias pri kio mi skribu, ĉar momente ne estas io menciinda en la vivo.

aj, doloro!

Sat, 05 Mar 2005 07:19:15 GMT

Hodiaŭ Kiel ĉiuj aliaj vendredoj, post mia antropologia kurso, mi pasigis tempon kun miaj amikoj. Ni meztagmanĝis kaj mi pagis por ili, ĉar mi ĵus akiris mian ĉekon kaj por montri al ili ke mi ja amas ilin. Poste, ni iris butikumi kaj mi aĉetis multajn aĵojn. Sed tio kio estas amuza, kaj iomete stranga, estas kiam mi elprenis 100 bankbileton el mia monujo. La 100 bankbileto tranĉetis la manon. Miaj amikoj diris ke tio estas signo ke mi ne elspezu tiom da mono, ĉar mi ĉiam aĉetas ĉion senpense.

Plie, kvankam tranĉetoj faritaj de papero estas ege malgrandaj. Ili efektive estas ege dolorigaj.

Oj diras mi.

Tue, 01 Mar 2005 01:43:19 GMT

Mi nun skribas pli ofte!! Mi ja scias ke mi antaŭe tion ankaŭ diris! haha sed nun espereble mi vere tion faru.

Mi nun babilas kun spung, kiu ĵus diris al mi pri e-planedo kaj tio ekinteresigas min pri mia blogo. Alie mi ĵus vekiĝis kaj ne povas trovi mian pantalonon.

Nobla Veneno

Tue, 26 Oct 2004 10:44:47 GMT

Nu, hodiaŭ mi decidis eliri la domon por sinplezuro pasigi tempon sole. Mi unue matenmanĝis ĉe iu restoracieto. Poste mi iris al la librejo kie mi trovis kelkajn librojn kiuj temas pri pluraj aferoj, ĉefe pri lingvoj. Mi prenis unu hebrean libron, kaj du aliajn esperantajn librojn. Mi sidiĝis ĉe iu tablo , kaj tie mi skribis leteron en Esperanto al iu amiko mia kiu loĝas pli norden de mi. Mi tiam subite pensis ke mi piediru kaj vidu la ĉirkaŭajojn kaj tion mi faris. Mi piediris al alia libra vendejo kaj tie aĉetis du librojn unu en la germana kaj la alia en la sveda. Libroj estas por mi kiel kandaĵo estas por infanoj. Mi kolektas fremdajn aĵojn kaj fremdlingvajn librojn. Nu poste mi trovis ejon kie mi denove sidis kaj legadis. Mi rigardadis la ĉirkaŭaĵojn. Ĉiam kiam mi estas sola kaj faras ion sole, Mi konscias kiel simpla kaj bela la vivo povas esti. Vidi la tutan mondon , ĉiuj vivas siajn vivojn sed kio do estas nia celo? kial ni vivas?. Mi ne scias, sed ja belas vivi. Post iom da tempo mi decidis ke jam estas tempo hejmen iri. Kiam mi alvenis al la domo. Mia patro prirakontis aferon pri vivi kaj morti.( Nu mi plirakontos vin ĉiuj morgaŭ/baldaŭ.) !

Okej

Sat, 14 Aug 2004 11:15:20 GMT

Okej Okej.. se vi legas tiun ĉi enskribon en via paĝo de amikoj. Eble vi pensas... hmm al kiu apartenas tiu ĉi taglibro? Nu,, tutklare ĝi apartenas al mi. sed kiu estas mi?... Mi estas ,.. LEO!! mi ja scias ke jam delonge mi ne skribis. (Bedaŭrinde) Espereble mi pliofte skribos kaj tiel Vi rememoros kiu mi estas! Dankon.

Mi estis leganta paĝaron en lernu " Babili Esperante" "Babili esperante" estas interreta magazino por infanoj kiuj deziras lerni kaj ludi per esperanto."

Mi devas konfesi ke la paĝaro estas ege beleta! Ke mi deziras esti bebo denove por ke mi povas uzi ĝin. Kompreneble mi ne devas esti infano por uzi ĝin sed ĝi ja cele faritas por infanoj! Se mi nur havis la okazon lerni Esperanton kiel infano!!.

ebria festo

Thu, 03 Jun 2004 08:54:08 GMT

nu.. mi ĵus revenis hejmen kaj mi estas ebriega, estis la nasikĝtago de mia amiko. do ni drinkis multe kaj manĝis multe kaj festis multe. bonege ke mi ne devis veturi , filipo veturis min hejmen , se mi devis veturi mi jam estus mortinta. mi renkontis iun knabon kiu nomiĝas johano. li estas filipina kaj alian knabon kiu nomĝias cole. mi konvinkis lin lerni esperanton. nu ja johano ŝategas min li eĉ diris al mi ke li pensas ke mi estas bela. sed alia amiko jam diris al mi ke johano jam havas koramikon. ......... tio ne koncernas min! hahahahah... nu mi konvinkis cole lerni esperanton espereble li lernu eo-n ..... jej! mi dormu nun ĉar mi nur skribaas nekomprendeblaĵon! ĝis la!

pli pri manĝaĵo!

Thu, 27 May 2004 08:07:32 GMT

nu,, nur estas aferoj pri manĝaĵo en mia vivo nuntempe. mi nur volas skribi ke mi ne havis la okazon iri manĝi morokan kiel mi planis antaŭe ĉar ĉiulunde la restoracio fermas. Tiam kiam mi rimarkis tion, mi telefonis alian morokan manĝejon kaj ankaŭ la tiu estis fermita. Ĉe la morokejo estas aŭguristino, ŝi senpage antaŭdiros niajn fortunojn dum ni manĝos. Mi antaŭĝojas iri tien. bla bla bla ,nu Ni decidis manĝi ĉe brazilan BBQ.

la gusto de la nokto

Tue, 25 May 2004 01:50:13 GMT

je la 22an de majo estis la unua fojo kiam mi manĝis baratan/(hindian) manĝaĵon. Ĝi ja estis ege bongusta! kaj mi pasigis la tutan tagon kaj nokton kun mia bona amiko "justin". je la 23an mi iris kun amiko kiu nomiĝas phillip al geja fiero parado/ festivalo. Kiam la nokto alvenis mi pensis al mi mem, "mi havas festeman guston en la buŝo" ne ne . mi ne volas diri "ĉuro" mi volas diri , la gusto de biero, fumo, sekso, narkotaĵo, sekaĵo, ktp. Kelkaj el la personoj tie kiuj kuniris kun ni uzis "speciala k" ( ketamino ) sed ne mi. Mi efektive ne scias kion faras ketamino al la korpo ĉar mi neniam provis ĝin kaj mi ne volus. Ni ĉiuj forte dancegis ĉe la ejo kie ludiĝis laŭtega eletronika muziko. Ni dancadis kvazaŭ la morgaŭa tago neniam alvenus. Kaj post tio ni iris manĝi ĉe ia multkosta ĉina restoracio. hmm

antaŭnelonge mi ofte skribas pri manĝaĵo. Mi kaj amiko antaŭ unu semajno kune decidis ke ni volas manĝi manĝaĵojn el multaj kulturoj/landoj. Mi esperas ke mi ne baldaŭ dikiĝu.

hodiaŭ dum la vespero mi iros norden kun du amikoj al morokan manĝejo "Babuŝ" ( ankaŭ estos mia unua fojo manĝi morokan mangaĵon ) unu el ili estas surda kaj tial, mi havos la okazon praktiki gestan lingvon. Kompreneble la vespero estos plezurplena! plena per bona sed silenta konversacio kaj per bongusta manĝaĵo.

malŝparaĵo

Mon, 17 May 2004 23:20:49 GMT

hmm Mi dormis je la 6a horo de la mateno kaj vekiĝis ja la 12a horo meztago ĉar amiko telefonis min . Ni iris taje manĝi ĉe la plej proksima taja restoracio apud mia apartamento. La nomo de tiu manĝejo estas " via domo - la taja kuirarto " efektive mi antaŭe ofte manĝis tie. Sed hodiaŭ ne plaĉas al mia la servo. Ni eniris kaj devis atendi longe ĝis persono venis por preni niajn ordonojn. Kaj poste ni devis atendi tro longe ĝis la manĝaĵo alvenis ĉe nia tablo. dume kiam la akvo trinkiĝis kaj niaj tasoj estis malplenaj, neniu venis por replenigi niajn tasojn per akvo. Kredu min , ne plaĉas al mi plendi pri tia malgravaĵo sed hodiaŭ ni volis rapidi al la butikaro. Mi volis aĉeti novan orel-streĉigilon por mia maldesktra orelo, mi havis du sed mi perdis unu do mi bezonas anstataŭaĵo., sed mi ne povis ĉar mankas al la vendejo la ĝusta amplekso. Do mia amikino hejmenveturigis min sen io ajn por montri al panjo se ŝi volus demandi kion mi aĉetis. nun estas 5 minutoj post la 4a horo PTM. kaj mi devas iri al lernejo je la 7a horo ptm. mi ne vere volas iri tien. Nokta lernejo...Mia ĉina kurso, mi efektive havas la plej altan noton en tiu kurso mi havas poenton de 129.5 el ebla poenton de 130. Mi tro lacas ke mi ne volas iri ien ajn. Nu,, mi dormetu antaŭ la kurso komencos.

finiga penso:

La tago malŝpariĝis ankaŭ malŝpariĝis mia mono ĉe nesufiĉebona manĝejo. hmmm espereble la ĉina kurso estu plezurema.
Ĝis la.

Denny's

Fri, 14 May 2004 18:37:04 GMT

Hieraŭ post mi eliris el la lernejo kaj alvenis hejmen, patro mia diris al mi ke iu amiko telefonis kaj trovis min. Do, kompreneble mi retelefonis tiun amikon. Tiu amiko kun alia amikino venis kaj veturigis nin al "Denny's". hehe. Tie ni manĝis kaj havis longan amuzan babildon. Temis pri multaj aferoj el la ĉiutaga vivo. ekz. la lernejo, la laboro, la amo, la koramikeco, kaj la plej amata/malamata temo, la seksa vivo. Post mi manĝegis ĉion, ni revenis hejmen al la domo de amikino. Ni rigardis kelkajn filmojn kaj babiladis multe. hmm Mi havas malbonan kvalitan foton de ni, t.e. Mi kaj amikino, fare de poŝtelefoneto

"Mi kaj Amikino"

Ĉu plaĉas al vi mia malbona kvalita foto? Espereble jes!

Ĝis!

Soleca tago

Fri, 14 May 2004 09:36:39 GMT

Hodiaŭ 13.5.04 mi pasigis la tagon sole. Tio estas ĉiujaŭde mi normale pasigas la tagon kun amikino ĉe la universitato. Dum normala jaŭda tago mi havas du kursojn kun amikino kiuj havas ankaŭ la samajn du kursojn, kaj inter la du kursoj estas unu horo paŭzo dum kiu ni kutime manĝas kune ĉe la sama ĉiuĵauda ofte-vizita vjetnama manĝejo. Ŝi ne ĉeestis la lernejon hodiaŭ. Mi sentis pro nia tradicio, mi tute ne povas manĝi tie sen ŝi ĉar tiu loko apartenas al ni ambaŭ, kaj mi senkiale timis eble la propriulo demandus al mi kie estas mia amikino. Ĉar ĉiuj kiuj laboras tie konas nin bone. t.e. mi pasigis la unu horan paŭzon sole. Mi promenis tra la proksimejo kaj ekvidis ke estas uzitaj libraj vendejo. Ĉar mi havas obsedo kun libroj mi tuj eniris kaj tuj demandis al la laboranta viro, "kie estas la fremda-lingvo sekcio?" li kondukis min al tiu sekcio, la unua libro kiu ekkaptis mian atenton estis unu tuta germana lingva kurso "Just Listen 'n Learn German Plus" ĝi enhavas tri kasetojn el kiuj nur unu de la pakumo estis ŝirita malferma, kaj la libro en tiu tuta libra kurso estis kvauzaŭ novega kaj neniam uzita, la dua libro kiun mi aĉetis , feliĉigis min kiam mi ekvidis ĝin. estas la sama libro kiun mi antaŭe konis "Teach Yourself Esperanto" mi konas tiun libron ekde mia ekkonatiĝo kun Esperanto. Mi antaŭe ofte prunteprenis tiun libron el la biblioteko, sed hodiaŭ mi aĉetis ĝin, Nur kostis $3.69 kun imposto. Ĝi estas mia unua propra libro en Esperanto. T.e. bedaŭrinda afero ĉar mi havas multajn aliajn fremdajn librojn sed neniu en esperanto ĝis hodiaŭ. Mi lernis Esperanton per malnovegaj libroj kiujn mi akcidente trovis en la librejo; antaŭe tiam kiam mi ekkomencis lerni Esperanto , mi ankoraŭ ne havis la interreton. Mi ankoraŭ opinias ke plibonas havi verajn librojn antaŭ vi ol la komputilo por helpi vin lerni Esperanton. Kompreneble la interreto estas utila kaj oportuna por pratiki Esperanton, por konatiĝi kun alia Esperantistoj, kaj por disvastigi nian lingvon. sed mi laumiaopinie preferas libron ol la komputilon por lerni iujn ajn lingvojn. Mi pruntedonos la libron "Teach Yourself Esperanto" al amiko kiun mi konvinkis lerni Esperanton. Espereble ĝi multe helpos lin.

HO VE!

Mi preskaŭ forgesis rakonti pri la cetera parto de la tago. Ĉar mi senpense elspezis mian mono aĉetante librojn. Mi forgesis ŝpari monon por manĝaĵo. Post la aĉeto de libroj, mi nur havis 3 dolarojn, tio kaŭzigis min iri manĝi en Jack in the Box. Mi nur frandis ian kokinan sandviĉon. poste mi malsatiĝis ĉar mi ne multe manĝis. Kompatinda Mi! mi estis Malsatiganta! sed miaj nove-aĉetitaj libroj satigis min per feliĉeco. kiel bongusta estas la esperanta libro!

Kaj mi pasigis la tagon tute sole. mi sentis min libere, havi la eblecon ĝui la tagon kaj fari tion kion mi volis.

Bonan Nokton!

Benu tiun ĉi taglibron!

Wed, 12 May 2004 11:17:47 GMT

Mia nova taglibro tute kaj nur (ĉefparte) en Esperanto